{ SKIP }
文:MenClub 摯樂  圖:互聯網
POSTED ON 18 Sep 2019
黃金戰衣改良限量版NuPrime DAC-10HSE 解碼前級

到底係黃金聖鬥士還是土豪扮紳士,土豪與帝皇其實只是一線之差,不過大家點解唔從好處睇睇呢一線,當我第一眼見到呢個音響產品NuPrime DAC-10HSE限量版一部集合DAC、前級、耳擴三合一的器材時,唔好比佢耀眼到讓人疑惑的金黃色外殼影響你,除左黃金戰衣,佢功能同入面甚至聲音都有相當戰力,聲音細節豐富、有速度有動態,質素係相當高,而且NuPrime呢個音響品牌本身就不是「攞你命」的定價,限量特別版全球100部,穿上金衣改良部件,昇華聲音,土豪金變成原罪大家可唔可以先聽其聲再想原唔原諒佢咁金?

 

NuPrime呢個牌子好特別,如果認識的就會聯想起佢的前世是NuForce,不過前世又好今生又好,佢地最出色的都係d類的擴音技術,產品的定價同性價比係跑出的先決條件,早前NuPrime的NuPrime DAC-10H成功大賣市場跑出,原因就係抵玩,一部機再加個後級就係一套音響,買對耳機仲可以直接用其耳擴功能,而家講緊的NuPrime DAC-10HSE就是其新出的特別版,特別在24k鍍金外殼顏色以外,還有線路和零件的改動。

 

限量版的NuPrime DAC-10HSE由音頻設計大師Demian Martin設計改革,呢位大師設計過好多美國HI-END音響器材,根據佢網絡上的分享「當NuPrime要求我改善DAC-10H的聲音特性時,我知道目標並不是設計一部全新的DAC。「魔鬼在細節中」,這就是我解決這個看似不可能的任務的方法。通過二十多年的高端音響產品設計經驗,我深深了解大量的零件庫和電路增強技術。我梳理了DAC-10H電路中的所有關鍵音頻信號路徑,並精心調整和更換部件。結果是,DAC-10HSE保留了標誌性的細節呈現、動態和控制,同時又獲得一些厚暖。對我來說,這是一個聲音完美的解碼和耳機放大器。」

 

上面的設計師簡介就可以知道,呢部特別的限量版係佢設計下係有不可多得的改變,我有兩個建議,一.試聽一下呢部黃金戰士,睇下呢個改變可唔可以讓你將佢金黃色的戰衣引以之傲,進而收歸旗下。二.不妨試聽下原作NuPrime DAC-10H,呢部DAC、前級、耳擴三合一原來就已經係得獎名器,青銅鬥士可能打起來一樣可以打贏黃金聖鬥士。NuPrime DAC-10H只是萬幾銀,從來都是入門其中一個好選擇。至於Nuprime DAC-10HSE(24K鍍金​​限量版)定價是2,695.00 歐元

查詢:CYJP Audio (2150-1957)
如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025