每年年尾Netflix都會拍一部超級大製作電影出嚟賀一賀聖誕節, 今年串流大戰年除咗早前介紹過爭奪獎項的史詩式黑幫鉅獻《愛爾蘭人》(The Irishman)之外，仲有製作費1.5億美元娛樂大家的豪華動作飛車爆炸大作，《鬼影特攻：以暴制暴》(6 Underground) ，《變形金剛》大導演米高比爾配搭《死侍》Ryan Reynolds聯同一班巨星獻上一部大卡司的Netflix獨家電影。故事講六個身負唔同才能、家財萬貫、有型靚女的特異人士將自己喺法律上變成死人並清除過去，重新做人目的係對抗並剷除無法以正當形式剷除嘅壞人，即係所謂嘅「獅鳥」（私了）團隊。呢部扮型嘅超級大電影， 係Netflix上製作費最貴嘅電影，亦都係導演米高比爾從外星生物回歸現實重新拿捏自己最擅長參雜軍事、歡樂以及一大堆頭爆炸飛車撞飛機的現代瘋狂動作電影。如果你有一套好嘅家庭影院音響系統, 呢套4k製作高清電影絕對係影音「試機」不二之選。此片將於12月13日於Netflix上架！

導演米高比爾創作過《重案夢幻組》、《石破天驚》、《世界末日》、《珍珠港》及《變形金剛》等等電影。履歷無可置疑， 今次喺Netflix旗下拍攝可能係另一次起死回生嘅機會，難得唔使再理會戲院票房。 Netflix擁有一套獨特嘅Ai分析數據系統, 理論上佢哋好了解觀眾需要啲乜嘢 ,上年嘅netflix年尾大電影《蒙上你的眼》雖然口碑不一， 但係數據上第一星期上架就已經吸引四千五百萬用戶觀看， 喺大數據年代《蒙上你的眼》去年依然是大成功，今年米高比爾嘅《鬼影特攻：以暴制暴》(6 Underground) ，用上超強大預算製作費拍攝，強勁班底係全球多個城市取景， 理論上係冇輸嘅可能， 作為已訂閱Netflix你用家 相信無須思考都會睇呢套電影大作。講返導演米高比爾明顯希望一報《變形金剛：終極戰士》(Transformers: The Last Knight) 畀人鬧到狗血淋頭嘅劣評， 重新出發。

鬼影特攻：以暴制暴》(6 Underground) 劇本交由死侍的保羅·韋尼克及雷特·瑞斯撰寫，故事描述 6 個「死人」── 6 位身負才能、家財萬貫、男帥女美的特異人士，他們決定假造自己的死亡、清除自己的過去、重新做一個無名幽魂，對抗他們覺得應該剷除、而無法以正當形式剷除的對象。

電影中6 Underground已經「死」左，所以只用數字代稱：一號由Ryan Reynolds飾演、二號由《惡棍特工希魔撞正殺人狂》Mélanie Laurent) 飾演 、三號由《七俠蕩寇誌》墨西哥男星Manuel Garcia-Rulfo)飾演、四號由《三重邊界》Adria Arjona) 飾演、五號由《Straight Outta Compton》美籍非裔男星Corey Hawkins)飾演、六號由《波希米亞狂想曲：搖滾傳說》Ben Hardy飾演。除了這六位復活的「獅鳥」之外，此片還有《非常盜》Dave Franco、伊朗裔男星Payman Maadi、以色列裔的Lior Raz等人參演。星光入入聯合國嘅劇組，絕對符合「鬼影特攻」們we connected全球大「私鳥」嘅本質。其實香港好需要你地！

此外《鬼影特攻：以暴制暴》全片以 4K 畫質拍攝，動作爆炸連連，保證你睇清楚每一絲閃耀的火花以及導演鐘情刻意裸露的美人美腿。典型米高比爾爆炸電影將會喺聖誕檔 12 月 13 日獨家在Netflix上架，擁有家庭影院嘅朋友， 又係時候試機啦。