從前有一個「勁共」「勁共」政黨，叫越南共產黨，佢地曾經殺人如麻打過越戰，擊退過美帝，近年卻因為南海主權爭端與同名唔同姓的兄弟中國共產黨割席靠親美國，係人人都爭相進入的5G電訊創域，越南一早就講明絕對唔會選用「華為」5G，去年開始引入諾基亞和愛立信公司設備發展5G，可惜卻中伏發覺呢兩間公司的通訊設備根本不足支持5G網絡頻段，未夠技術，結果去年10月引來中國媒體的大肆報導取笑，並稱其終將打算同排除在合作名單之外的華為合作，不過越共好堅持，旗下國防部經營的電信移動運營商Viettel「士別三月」剛正式宣佈成功克服所有技術難題，Viettel將推出5G商業服務，Viettel的5G服務並非使用華為設備，而是自家研發技術。成為世上第六間公司成功開發商用5G技術。係一個好勵志的「勁共」故事。

話說大家如果追睇返三個幾月前新聞，可以見到好多中文媒體報導越南傳來噩耗，5G建設項目全面崩盤，測試失敗令白宮沉默不語，中國好多媒體大肆報導。正如德國總理默克爾講到用華為可以進步三到五年的5G技術，英國人都話點解唔用華為？唔用華為還可以用咩野5G技術？。呢度有兩種睇法，一種就是英國、德國、韓國的睇法，華為的5G的確是領先，唔駛搞咁多野，在商言商！另一種則是沉默不語嘅日本人，他們正積極研發勁過5G的6G技術，還有敢於說不的越南人，越南是全球最高調和美國同一陣線大聲說不，點都唔會用「華為」的國家。

經過幾個月的努力同之前使用諾基亞和愛立信設備的失敗經歷，越南國防部傾全國之力研究發展，幾個月後居然真係成功，由越南國防部經營的當地最大電訊公司Viettel將推出5G商業服務，特別值得關注的是Viettel的5G服務並非使用華為設備，而是自家研發技術。

Viettel將從6月開始部署5G網絡技術，並計劃於一年後在全國地區完成。Viettel表示，研發部門Viettel High Technology花6個月的時間來開發撥打電話所需的硬件及軟件技術，成為繼愛立信、諾基亞、華為、三星電子及中興之後的第6間公司成功開發商用5G技術。越南Viettel在11個國家及地區擁有超過1.1億客戶，當中包括柬埔寨、海地及秘魯等市場。而呢次如果真成功，除左顯示越南的科技軟實力外，更重要的是顯示給世界知道，5G科技係可以有無限可能，條條大道通羅馬，不一定只能有一個選擇，當然無可否認的是，華為在5G的技術上肯定是全球最先進行列，香港將有幸使用華為的5G技術，真係幸福香港感恩有你。