較早前香港網上有傳言話中大成功研發出高達，並用於香港近期反修例示威當中，呢個謠言竟然都真係呃到唔少人，當然知道嘅朋友真係當堂嚇一跳，然後得淡笑啦。不過唔係講笑嘅係，真正可動嘅高達可能真係喺不久將來成真。

喺日本橫濱山下碼頭各位高達Fans即將可親身見到，真正大型可動高達嘅實體，一個名為「高達 GLOBAL CHALLENGE」嘅高達企劃宣佈，將於今年10月正式展開一年嘅展示。

「高達 GLOBAL CHALLENGE」企劃其實早於2014年就展開，當時企劃決定要建造一個高18米嘅可動高達，並招來多位專家合作將呢個高達Fans嘅夢想實現。

最終，企劃成功研發利用鋼鐵製嘅可動骨架(手掌以外合計24處可動)，配合碳纖維強化聚合物外裝甲所構成，整體以遠距離控制其行動，相信現場觀看將會十分壯觀！

而現場活動除左展示18米可動高達外，亦會設有Gundam Base、Gundam Cafe等設施，有興趣嘅朋友千萬唔可以錯過！

展示日期：2020年10月1日至2021年10月3日

地點：橫濱山下碼頭