Radiohead早前將官網改版，由原本嘅「W.A.S.T.E」增加一個「Radiohead Public Library，大家更可以網上申請「圖書證」。咁呢個圖書館入面有啲咩？就係Radiohead所有作品，而且係免費公開畀大家使用！

Radiohead Public Library上嘅內容包括所有曾發表及未未發表作品，例如《OK Computer》、《Amnesiac》等嘅歌曲及MV，以及從未發表的早期Demo《Pablo Honey》。除咗公開以上內容供大眾免費使用，Fans們更加可以訂購一啲較舊嘅商品。亦可以申請一張虛擬嘅圖書證，大家可以自行設計，亦有獨立的會員編號，雖然係完全冇實際用途，但有又幾開心咁囉。