近排大家多咗好多機會留喺屋企，而且無論你係要做嘢又好定係單純放假，都花多咗好多時間喺電腦之前，有冇開始覺得自己張電腦檯坐得好唔舒服呢？有冇想可以瞓喺到打機、睇劇、久唔久再做下嘢咁呢？如果係嘅話你就要留意下Bauhutte嘅產品啦！

Bauhutte其實係一個日本電腦家具週邊品牌，專出電腦檯、電腦櫈及其他配件，而只要組合不同配件，你就能夠組出最適合你自己嘅電腦檯甚至電腦床。好似呢張床唔單可以放到兩個Mon，仲有手機支架、多個儲物櫃之類，真係瞓喺張床到成日都冇問題！成Set買「只需」$126000日元，即係大約9100港紙(唔包電腦及零食)。

OK，我知有啲人好著重健康同形象，覺得瞓喺太頹太廢青，都冇問題，事關Bauhutte竟然仲有出到一張電腦檯，下面係有部單車機，即係你可以上半身用電腦，下半身繼續做運動，價錢方面就要$67000日元，即係大約4900港紙，咁相比起買張床又好似抵好多喎！所以話做廢青係容易啲架！