日本超人氣漫畫《ONE PIECE》為慶祝連載第1000話，喺年頭舉行咗第一屆角色人氣選舉活動「World Top 100」，等全球讀者喺超過1000位角色入面選出心目中嘅NO.1。近日官方公布最終排名結果，毫無懸念路飛成功登頂，被稱為尾田「契仔」嘅卓洛就排第二。不過以地區分類嚟睇嘅話，娜美就係大洋洲、拉丁美洲、歐洲冠軍，唔通外國人鍾意（豐滿）女性角色多啲？

全球排名前十入面，只有五位草帽海賊團成員，就算得返煮飯功能嘅山治（好似係）亦排名第4，而路飛結拜兄弟艾斯同薩波就分別位居第9及第10名，不過第8名就可以會令大家有啲意外，由純毛族兔仔凱洛特獲得。同時證明咗做反派都唔一定會無人氣嘅，頭20位入面就有多弗朗明哥同「沙漠之王」克洛克達爾兩位反派。

如果按分區排名嚟睇，就會發現喺外國卓洛同娜美比路飛更受歡迎，而娜美更係大洋洲、拉丁美洲、歐洲三地冠軍，唔通外國人鍾意（豐滿）女性角色多啲？如果各位想睇清楚詳細排名可以到官網了解更多。

資料來源：onepiecewt100