男人不壞，女人不愛，相信唔少自問係個「好人」嘅男人都曾經喺溝唔到某個女仔之後高呼過呢句說話。但根據美國著名性學家Dr. Justin Lehmiller指出，壞男人 (or 女人) 唔單止喺結識異性上有優勢，仲直頭喺繁殖嘅層面都贏哂班「好人」！

Dr. Lehmiller指出，擁有「馬基維利主義」、「自戀」及「心理變態」三大心理學上稱為「黑暗人格特質」嘅人，好容易就會被其他人認為係具有吸引力。有一個研究搵黎一班女大學女，為一堆外表一樣，但擁有不同程度黑暗人格嘅男性的吸引力評分，結果發現黑暗人格越濃厚嘅人得分就越高。特別有趣嘅係，班女大同學同時會評估班男人嘅「黑暗人格程度」，結果發現佢哋係估得啱，換言之班女係明知班男人變態都一樣覺得佢吸引。

而又由於擁有黑暗人格特質嘅人，對其他人嘅關心更少，所以佢哋會通常都會更衝動、願意承擔更多風險，配合埋黑暗人格嘅吸引力，就即係佢哋傾向比其他人更早開始生仔，小朋友嘅數目亦更多。更重要嘅係黑暗人格嘅產生其實係同基因有關，而繁殖機會更多就意味著「黑暗人格基因」有多機會傳承落去，亦即係所謂繁殖優勢。或者假以時日，黑暗人格先至係主流啦。