只要有靈感加上高超嘅手藝，任何物料都能夠大家嘅創作素材。最近喺日本就有位叫「木工平八」嘅網友，利用廢棄木材DIY咗隻「1/144 大魔 Resonance」模型，隨即引嚟高達迷留言讚好。

據了解，「木工平八」真實身份係一位兒童發展中心老師，致力照顧各種殘疾及有需要幫助兒童， 平時亦會幫班小朋友整吓傢俬同書枱，佢就將每次剩低嘅廢棄木材加以利用，製作成各種驚人模型。

一開始「木工平八」都只係整下啲簡單野，等小朋友可以拎上手玩。隨著手藝日漸成熟，佢就開始製作飛機、戰艦、坦克等高難道模型。

佢最新嘅得意之作就係《機動戰士高達 雷霆戰線》入面嘅「大魔 Resonance（ドム・レゾナンス）」，可以見到無論機身定係武器，都有極高還原度。網民們就係留言區表示「已經係職業水平了」、「你應該要去GUNPLA見工」。