相信大家都遇過一個煩惱，就係打機或做緊嘢嗰陣突然口痕想食零食，但又唔想整到成個鍵盤都係油，搞到每食幾啖就要抹下隻手，非常麻煩。最近就有外國團隊開發咗一個名為「SNACTIV」嘅「手指零食夾」 ，只要將佢戴喺手指，就可以快速並乾淨咁夾零食。我諗有咗呢個夾嘅話，想唔肥都幾難。

SNACTIV用法好簡單，只要將食指同中指放入夾上嘅凹槽，就可以輕鬆夾零食，而且個夾又唔會阻到你隻手做任可活動。根據官方圖片及影片顯示，用家無論打字、打機、玩電話，甚至彈琴都可以透過SNACTIV即時食零食，無須放下手頭上嘅工作。

製作團隊Inoobi就將SNACTIV放上眾籌平台Kickstarter集資，可能太多人都有同樣煩惱，短短一個月就籌得$41,700美金，比起原定目標$20,000美金超出一陪有多。有興趣嘅朋友可以到佢哋官網了解更多，價格為$13美金（約$100港幣）。

資料來源：kickstarter、snactiv.life