疫苗可能係抗疫其中一個重要的工具，距離日本奧運仲有兩個月時間，日本本土每日依然有超過四千人確診兼8成民眾反對奧運。不過日本政府如箭在弦堅持做一場奧運會，於是全力加速全國動員利用自衛隊軍方要趕奧運前幫全國65歲以上3600萬高風險人士接種疫苗，重點係日本終於解決疫苗緊缺不足的情況已購入足夠全國應用並獲得授權可生產疫苗，韓國同樣有類似情況，疫苗數量已經不成問題，只剩下唔夠醫護人手協助同唔係個個肯打疫苗的難題，同香港一樣先進世界開始步入有疫苗唔夠人打狀況，唔知你會唔會選擇接種疫苗，定還是你仲觀望緊直接推出藥丸噴濟中招醫返好更化算？

日本同全球好多地方一樣日日都同疫情抗衡中，不過同其他國家唔同的係日本堅持會係今年舉辦奧運，一場已經延後左一年史無前例係全球疫情陰影下嘅奧運會。據知日本疫苗接種計劃由二月份開展，當時主要係先接種醫護人員， 然後擴展到老年人。 日本總共有三千六百萬老年人口， 不過之前由於疫苗供應不足延遲交貨等原因接種疫苗進度滯後。如今全日本1.26 億人口當中，只有 4% 的人打左一針BioNTech 疫苗。上星期日本剛剛批准使用莫德納 (Moderna) 以及阿斯利康 (AZ) 疫苗，據說日本將會係7月底前作疫苗接種大作戰，面為全國所有65歲以上，包括東京、大阪和一些鄰近縣的居民打疫苗。日本首相話呢個係「日本最後的堡壘」。鄰國南韓雖然唔駛搞奧運但國家剛剛都已批准阿斯利康、輝瑞、強生、莫德納的幾乎所有歐美疫苗並已訂購數量高達 1.92 億劑，足以滿足 5,200 萬人口需求。再加上日韓兩國都已經宣布獲得美國製藥廠授權國內藥廠生產疫苗，以韓國作為全球第二大生物醫學生產國，相信韓國將會好足夠並且有能力輸出疫苗幫助其他國家。

隨著全球尢其東亞地區疫苗生產充足，相信香港未來都不愁唔夠疫苗，話復必泰BioNTech打完呢一轉訂單就訂唔到，肯定係無說服力，不過問題重點回到香港人有疫苗無人打，對疫苗缺乏信任，可能話如果今年底日韓全部成功達成實現群體免疫，香港人到時就會湧去打疫苗，你信唔信會有呢一日？