Lego絕對係深受大人同小朋友歡迎嘅玩意，而近日佢地又刷新紀錄，推出歷史最多超過10000塊嘅Lego新作「LEGO 31203 世界地圖」。

今次呢副「LEGO 31203 世界地圖」，總零件數達到11695塊，總大小達到104cm x 65cm，成功超越原來零件數最多嘅「羅馬競技場」。「LEGO 31203 世界地圖」與普通地圖唔同，其陸地以白色顯示，而海洋部份則以海床深度不同而擁有唔同顏色，呢個相信對於唔少玩家黎講應該有唔少難度。

而地圖嘅外框以全白色為主，非常簡潔，配合海床深度顯現嘅不同顏色，整幅地圖感覺更像一件藝術品。預計「LEGO 31203 世界地圖」將於今年6月1日喺 LEGO Shop Online發售，全球實體店發售將會係8月1日。

建議售價：美金 249.99 元