{ SKIP }
文:MenClub 摯樂  圖:互聯網
POSTED ON 11 Jun 2021
【環保挖礦】英國加密貨幣挖礦企業向農民推銷「牛屎」能源供電挖礦今年大賺

Elon Musk擔心世界因為加密貨幣挖礦而加劇化石燃料使用污染環境,其實只要有腦同真心愛地球,情況係可以改善。英國就有一間公司位於港人最愛曼徹斯特市專門做農場再生能源驅動加密貨幣挖礦裝配銷售,即利用牛屎發電推動挖礦電腦。為好多農場帶來額外收入。環保之餘今年加密貨幣大熱,業績可謂蒸蒸日上!講快手講狠辣中國挖礦者肯定冠軍但講平衡兼顧環保同利益,外國人似乎更可持續發展。


呢間英國加密貨幣挖礦商 Easy Crypto Hunter並非今日先開始講環保講加密貨幣,佢地2017年起就低調經營,創辦人Josh Riddett係「曼市」起家,向附近農場主推廣可以由再生能源推動的加密貨幣挖礦裝備,作為呢個領域的小眾市場推動者,終於係今年賺到大利,由於近年加密貨幣愈來愈受追捧,公司業績愈來愈好,意外受到關注。


據 Easy Crypto Hunter所推銷的理念,英國農民可以利用農場動物的牛屎或任何糞便產生的能量,推動進行加密貨幣挖礦。例如公司其中客戶,一位住在英國威爾斯登比郡(Denbighshire)的農民 Philip Hughes,除左正常經營農場外,近年一直在利用牛屎推動進行加密貨幣挖礦。就算農民唔打算投入加密貨幣挖礦賺取可能有10倍的回報。最保守的農民都可以將環保收國的牛屎發電,以每度約 4~7 便士的價格回售畀當地能源公司。情況一如安裝左太陽能板的家庭可以賣電或自用一樣!Easy Crypto Hunter 的挖礦機係英國農業界的銷售額因為加密貨幣不斷大幅成長。Riddett 挖礦機尺寸長 70 公分、寬 35 公分、高 40 公分,不過佢並非以挖最主流的比特幣,反而係主要挖其他的數碼貨幣,例如 Ravencoin 和以太幣(Ethereum),因為睇好後市利潤前景同使用更少的能源消耗。佢地一部採礦機零售價為 18,000 英鎊,三年間每台平均的年利潤約為 30,000 英鎊,不過絕大部分係 2021 年先開始有收益,因加密貨幣開始獲得機構的認可。


創辦人Riddett成為去年歐盟加密貨幣高峰會的英國代表之一,他係會上聲明提到「我們所做的工作可謂最環保不過了,我們的電腦可開採數百種數碼貨幣,但不開採比特幣,因為不像其他數碼貨幣一樣那麼節能和有利可圖。」其實呢個例子想講,任何事只要用腦同努力思考人與環境的共生問題,就可以有一種更環保又同時合符經濟利益的雙贏關係,凡事唔一定要「贏你兩次!賺到最盡。」



人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025