長達近3分鐘嘅預告片，除咗有更多動作場面外，可以見到Robert Pattinson所飾演嘅蝙蝠俠更具侵略性及黑暗，認為天上嘅蝙蝠燈信號唔單只係召喚，同時係一種警告，用嚟阻嚇罪犯，並且自稱係「復仇使者」。各個經典角色亦喺片中陸續現身，包括「貓女」Zoë Kravitz、蝙蝠俠管家「阿福」Andy Serkis、「戈登局長 」Jeffrey Wrigh、「企鵝人」Colin Farrell、「謎語人」Paul Dano等。

據導演Matt Reeves先前透露，今部電影將會類似早期漫畫，以偵探故事風格為主，講述剛成為蝙蝠俠嘅Bruce Wayne同連環殺手「謎語人」交鋒時，發現葛咸城（Gotham City）腐敗嘅一面，預計2022年3月上映。