{ SKIP }
文:MenClub 魏文青  
POSTED ON 29 Oct 2021

隨住Tesla股價最破新高,據估計其創辦人Elon Musk嘅身家已經接近2,900億美金,即係超過2萬億港紙,對於我哋呢啲平民黎講已經係超出人界、跨越天文數字、直達冥通銀行嘅級別,根本理解唔到呢個數字有幾大。而聯合國世界糧食計劃署 (WFP) 行政總裁David Beasley日前就畀咗個好好嘅指標:只要Elon Musk捐出其身家2%,就可以立即解決地球上嘅飢餓問題。

據David Beasley日前接受CNN節目訪問時指,目前地球上有約4200萬人正面對逼在眉睫、真係會死嘅飢餓問題,而要幫助佢哋,其實「只需」大約60億美金左右,亦即係Elon Musk身家嘅2%左右。David Beasley進一步指隨住氣候變化及疫情,全球都面對飢餓問題,例如中美洲嘅危地馬拉、洪都拉斯四國近年多次受到颱風、洪水侵襲,大量災民目前正依賴WFP援助。而阿富汗及埃塞俄比亞亦因政局及戰爭問題而有數以百萬計人口將無糧可食。

圖片:CNN

而David Beasley於訪問中亦坦言,「我唔知呢啲人可以去邊到搵到食物」,而WFP就算想救亦無能為力,「我哋冇錢去支付人工,亦冇錢將啲運糧車送入去。」

資料來源:CNN
如果大家有印象,早期嘅Pixar動畫都會喺片尾放上(偽)NG鏡頭,例如角色唔記得台詞、工作人員唔小心入鏡、甚至撞到攝影機等蝦碌畫面,但自從《怪獸公司》之後,呢個傳統就停咗。而在今年7月上映嘅《外星奇遇記(Elio ...
hobby
【影視】Pixar動畫經典NG鏡頭回歸!《外星奇遇記》片尾搞笑片段率先曝光
13 Jun 2025
機迷唔使再爭論第一定第三人稱視角好啲喇,今集田任你切換!
hobby
【電玩】《生化危機9 安魂曲》公開主角及故事簡介 能自由切換第一人與第三人稱視角
13 Jun 2025