新西蘭一直有一個評選都幾有趣，就係以投票票選出「年度雀鳥」，而呢個評選至今已經有17年歷史，於當地黎講絕對有公信力。而近日最新嘅得主正式出爐，佢就係新西蘭長尾蝙蝠。

心水清嘅你可能知道，蝙蝠雖然識飛但唔可以算係雀鳥，因為佢係同我地一樣都係哺乳類動物。不過今次長尾蝙蝠就以7031票高票當選，成為「年度雀鳥」，拋離第二位嘅「鴞鸚鵡」3000票。

雖然今次長尾蝙蝠成功當選，但卻有唔少人爭議今次評選，因為佢根本就唔係雀鳥，理應不能入圍。而主辦單位就解釋，蝙蝠係新西蘭唯一一種本土陸地哺乳動物，同時亦係國家瀕危動物之一，同雀鳥一樣面臨多項威脅，老鼠、負鼠、貓、人等等都係佢地嘅天敵，所以好危險。所以主辦方希望藉住今次選舉，令蝙蝠獲得更多關注，從而做好其保育工作。