{ SKIP }
文:MenClub 魏文青  
POSTED ON 21 Dec 2022

近年香港電影掀起一股謝票潮,唔少電影由一上映開始就搵黎台前幕後走訪全港戲院與觀眾見面,甚至有「票房到幾多我哋就做啲咩」嘅慣例。而近日Tom Cruise亦因應《Top Gun: Maverick》嘅票房好成績而進行謝票活動,不過佢嘅謝票方法就充滿「Tom Cruise風格」,因為佢係跳住傘黎謝票。

2022踏入最後兩個星期,《Top Gun: Maverick》幾乎篤定會成為今年年度票房冠軍,而發行商Paramount日前就於YouTube上傳咗一條Tom Cruise謝票片。條片一開始就見到Tom Cruise坐喺架半空中嘅直升機上面,並表示佢哋依家喺南非嘅上空進行緊《Mission Impossible: Dead Reckoning》上下兩部 (即MI7 及MI8) 嘅拍攝工作,但佢「想喺今年完結之前多謝你哋去戲院睇戲,支持《Top Gun: Marverick》。」

隨後佢就被《MI7》及《MI8》嘅導演Christopher McQuarrie打斷,提醒佢哋仲有嘢拍,叫佢咋咋聲講埋就好跳落去。於是Tom Cruise立即同攝影機跳出直升機,並於自由落體期間繼續多謝觀眾:「多謝大家支持,多謝你哋畀我娛樂你哋,呢個係我畢生嘅榮譽。好啦我唔夠高度啦,我仲要拍埋呢個Shot。祝大家有個安全同開心嘅假期,戲院見啦!」然後就飛離開鏡頭。成個過程輕鬆過我落街買嘢食。

講起《MI7》,Paramount昨日亦釋出咗電影嘅製作花絮。卻說電影中Tom Cruise要完成一個「喺山邊揸電單車飛出山崖進行定點跳傘」嘅特技埸面,而為咗完成呢個特技,Tom Cruise及拍攝團隊先進行咗N次跳傘 (相信上面條謝票片就係呢個時段拍嘅)、再進行咗N次電單車跳躍,最後將兩樣嘢夾埋進行正式拍攝。花絮中表示,正式拍攝當日,Tom Cruise親身上陣進行咗六次「飛出崖跳傘」特技,導演Christopher McQuarrie仲話呢個係佢拍攝生崖中最恐怖嘅特技,唯一比呢個更恐佈嘅,就係佢哋計劃為《MI8》進行嘅特技。

最近外媒《Deadline》公布2024年最賺錢及最蝕錢荷里活電影排名,結果由迪士尼出品嘅《玩轉腦朋友2》、《魔海奇緣2》及《死侍與狼人》包攬前三名,而最蝕錢嘅電影就係口碑票房雙雙仆直嘅《小丑:雙瘋》,淨虧損達1.44 ...
hobby
【影視】外媒公布2024年最賺錢電影排名!迪士尼包攬前三名、《小丑2》蝕最多
02 May 2025
自從RDJ飾演嘅Iron Man、Chris Evans飾演嘅美國隊長、以及Scarlett Johansson飾演嘅黑寡婦等以各自嘅方式退場,「初代復仇者」中就僅餘Chris Hemsworth飾演嘅Thor、Mark Ruffalo飾演嘅The Hulk、以及Jeremy Renner飾 ...
hobby
【影視】直指迪士尼孤寒 「鷹眼」Jeremy Renner拒絕出演《鷹眼》第二季
02 May 2025