{ SKIP }
文:MenClub 魏文青  
POSTED ON 04 Jan 2023

早前我哋報導過,前《英雄聯盟》世界賽冠軍成員「Toyz (劉偉健)」自爆有機會與前老闆鍾培生上擋台進行拳擊比賽。而今早鍾培生就於Facebook正式確認拳賽事宜,表示自己收咗港紙八位數拳酬,將會喺台北同Toyz擂台上決勝負。

圖片:截圖自 Derek Cheung on FB

鐘培生今早於個人Facebook專頁發表簡短公告,指「2023年將會在台北與劉偉健Toyz打場拳擊比賽」,而且自爆「以港幣8位數字破了大中華區的拳酬紀錄」。佢亦表示「拳賽收益將會回饋培生培心會員,支持中小企業和本地製作團隊」。至於實際比賽日子、形式、賣飛方法等,「將會由主辦單位和在記者會公佈, 謝謝大家關注」。最後仲加上「Toyz 後會有期」。

Toyz於去年年底曾與館長進行鐵籠賽

鍾培生於2013年成立香港電子競技有限公司,並創立《英雄聯盟》隊伍,2014年曾與Toyz簽下長約,但後來因為合約問題令Toyz有一年時間無法參加比賽或進行直播,二人關係開始交惡。Toyz曾用Facebook帖文藏頭詩指鍾培生教唆打假賽、又於自傳中指被鍾培生剝削,兩次鍾培生都有控告Toyz誹謗,其中一次以Toyz賠錢和解,另一次則為鍾培生勝訴。

早前Toyz率先爆出拳賽事宜時,亦曾指自己將接受台灣「館長」嘅訓練,而館長亦曾有意簽佢做代言人。但去年年底佢與館長進行鐵籠拳賽,三分鐘就被擊倒後,於直播上大罵館長公報私仇,結果館長以「不知尊師重道」為由決定放棄與Toyz合作。

講起「性侵」,絕大多數人腦中出現嘅,都係男性侵犯女性嘅畫面,甚至唔少人會覺得男性一來身體力強唔可能被逼,二來大概本身就唔抗拒唔算「被逼」,所以根本就唔可能成為「受害者」。但其實男性被女性性侵嘅情況,可 ...
hobby
【兩性】71%英國男性曾被性侵 33%被女性「心理脅逼」
23 Feb 2024
希望Tom Cruise能夠憑呢部作品贏得人生首座奧斯卡!
hobby
【影視】Tom Cruise將主演《飛鳥俠》《復仇勇者》金像大導新作
23 Feb 2024