最近日本Pizza Hut宣布，由即日起至4月9日將於251間分店推出限定Pizza「パクチーすぎて草」（過量的芫茜），標榜每個Pizza都灑滿3棵芫茜，驟眼睇猶如一個大草原，真係隔住個Mon都聞到陣茜味，而餅皮則塗上番茄醬及韓式辣椒醬，並以蝦仁點綴。官方亦非常貼心咁提醒客人，表示由於氣味強烈，約會前請切食用，每個售價為2800日圓（約港幣$170）。

根據官方說法，呢款芫茜味Pizza其實係受到台灣Pizza Hut啟發，事緣台灣Pizza Hut為咗令品牌年輕化積極開發限量口味，並成功引起話題，於是決定借鑑台灣成功案例召開會議，最後從100多個ideas當中選出今次嘅芫茜。

台灣Pizza Hut早前就推出過「芫茜皮蛋豬血糕Pizza」，吸引唔少名人及YouTuber拍片「試伏」。