{ SKIP }
文:MenClub 魏文青  
POSTED ON 20 Mar 2023

上月初Ben Affleck陪老婆Jennifer Lopez (J.Lo) 出席Grammy頒獎典禮,結果被電視直播畫面影到佢全程「生無可戀」嘅慘樣,以及佢被老婆當場訓斥嘅一幕,更成為當日Twitter熱話。而Ben Affleck近日接受傳媒訪問時,就透露箇中內情,並大爆當晚J.Lo同佢講:「你咪L諗住走呀!」

Ben Affleck日前接受《The Hollywood Reporter》專訪,其中先談到佢因為好驚講錯嘢而唔用Instagram,後來記者又問佢介唔介意Grammy當晚佢個生無可戀樣成為「Meme圖」。而Ben Affleck就表示唔介意,仲話自己嗰晚其實玩得幾開心,「我老婆會去,咁我就諗,會有好音樂喎,應該會幾好玩呀。如果係電影頒獎禮,基本上就係一大堆致謝辭同混音大會。」

當晚嘅「名場面」之一,就係主持人Trevor Noah坐於Ben Affleck及J.Lo旁邊主持,而貌似唔知鏡頭影住自己嘅Ben Affleck低頭同J.Lo咬咗陣耳仔,J.Lo似乎有啲惱怒地答咗幾句,然後二人尷尬地發現自己入鏡。而Ben Affleck於訪問時就透露箇中細節。「我見到Trevor Noah行埋黎,就諗,死啦,會影到我哋喎,但我唔知當時佢哋已經Roll緊機。所以我就同J.Lo講,佢哋一Roll機,我就會向旁邊閃開,留返佢同Trevor Noah喺鏡頭入面,而J.Lo就覆我,你咪L走呀你 (You better fxxking not leave)。都係啲夫妻之間嘅小事。」

Ben Affleck亦承認,當晚佢的確唔太理解現場發生緊咩事,「係呀,嗰晚係你老婆嘅工作活動。我有去過啲令我好嬲嘅活動,我又有去過啲令我好悶嘅活動,我仲試過好多次醉住咁去頒獎典禮。之前冇人話過我醉,但Grammy當晚就個個都覺得我醉。咁就令我產生一個新疑問,究竟公開你嘅成癮症 (Ben Affleck曾公開自己酒精成癮) 而獲得大量憐憫係咪一件好事?因為伴之而來嘅仲有大量污名化,有時都令人頗有顧忌。我覺得咁就令人少咗啲動力去改善自己嘅生活 (公開並克服成癮症) 囉。」

資料來源:The Hollywood Reporter

如果大家有印象,早期嘅Pixar動畫都會喺片尾放上(偽)NG鏡頭,例如角色唔記得台詞、工作人員唔小心入鏡、甚至撞到攝影機等蝦碌畫面,但自從《怪獸公司》之後,呢個傳統就停咗。而在今年7月上映嘅《外星奇遇記(Elio ...
hobby
【影視】Pixar動畫經典NG鏡頭回歸!《外星奇遇記》片尾搞笑片段率先曝光
13 Jun 2025
機迷唔使再爭論第一定第三人稱視角好啲喇,今集田任你切換!
hobby
【電玩】《生化危機9 安魂曲》公開主角及故事簡介 能自由切換第一人與第三人稱視角
13 Jun 2025