話說日本《龍珠》嘅官方X (Twitter)自今年3月起，就突然推出咗一個「抽獎企劃」，簡單講就係即係佢哋將《龍珠》入面出現過嘅角色配件、衣服1:1實體化，並作為抽獎獎品送畀網民。過往佢哋就曾經送出悟飯變身成「撒亞幪面超人」後個頭盔、以及撒旦先生嘅全套戰鬥道服加冠軍腰帶。而最新宣佈會推出嘅，就係「杜拉格斯把劍」！

サイヤの日を記念して「グレートサイヤマンヘルメット」を抽選で1名様にプレゼント！

①@DB_official_jp をフォローする
②本投稿をリツイート

※応募期間：3/18（土）17:09〜3/22（水）23:59まで pic.twitter.com/iIgQfZUmt5

— ドラゴンボールオフィシャル (@DB_official_jp) March 18, 2023

#バトルアワー（@db_eventpj） の開催を記念して「ミスター・サタンセット」を抽選で1名様にプレゼント！

①@DB_official_jp をフォローする
②本投稿をリツイート

※応募期間：3/5（日）10:00〜3/9（木）23:59まで pic.twitter.com/SWYalT9Q8U

— ドラゴンボールオフィシャル (@DB_official_jp) March 5, 2023

日本《龍珠》官方X於5月時宣佈，會於本來嘅抽獎活動上再搞個「神龍許願」活動，即係容許網民提議下一件官方實體化產品，結果近日就公佈獲選提案為「杜拉格斯把劍」。原作中，(未來)杜拉格斯首次出場時就已經揹住把劍，並用佢將科技重生後嘅菲利斬成碎片。其後於劇場版《龍拳爆發》中，就透露把劍原本屬於南銀河系勇者「達比安 (塔比安)」，故事尾聲佢將把劍送咗畀杜拉格斯，從此就成為其配劍。

目前日本《龍珠》未公佈把劍嘅實際大小及物料，但從過往獎品黎睇，好可能都係以1:1比例重現。官方亦講明把劍會連鞘附送。

另外日本《龍珠》官方亦有幾年已經公佈、但未開始抽獎嘅獎品。當中包括《斯路篇》中悟空從精神時光屋出黎之後著嘅黑橙色皮褸、笛子魔童標誌性嘅肩甲連斗篷，以及個人最感興趣嘅「菲利軍團飛船」貓窩。