Netflix真人版《ONE PIECE》自上月推出後話題不斷，連續兩周成為全球Netflix最多人觀看劇集，唔少都影迷紛紛期待第二季能夠早日到來。而製作公司亦表示已經準備好下季劇本，一旦正式開拍，預計12-18個月後就能夠播出。

至於未來會拍幾多季，製作人Marty Adelstein及Becky Clements日前接受《DEADLINE》訪問時表示，佢哋籌備緊第一季嗰時，已經討論過第三至第六季故事走向，例如邊啲情節必需保留，唔可以刪走，更表示即使有六季真人版劇集，都只係涵蓋到漫畫一半章節，期望可以拍到十二季。

根據原著劇情及首季最後一集片尾伏筆，預計第二季將會改編自原著「雪花石膏王國篇（阿拉巴斯坦）」[原著101-217話]，講述飛一行人將正式進入偉大航道，招募索柏（喬巴）及拯救雪花石膏王國，期間路飛將會對上時任「王下七武海」沙·鱷魚，以及海軍上校史莫卡（煙男），而魯賓（羅賓）亦會喺中段登場。