《週刊少年Jump》歷年黎連載過來無數經典漫畫、產生過無數經典角色，當中更有唔少係即使男生都會覺得非常有型嘅男性角色。你心目中最有型嘅《少年Jump》男角又係邊個？又會唔會同近日「Ranking.goo」上嘅日本網民票選一樣？

《One Piece》索隆

《龍珠》杜拉格斯

《網球王子》不二周助

《Bleach》黑崎一護

《Slam Dunk》流川楓

《銀魂》沖田總悟以及坂田銀時

話說今年7月時《少年Jump》迎來55週年，而Ranking.goo就舉行咗「《少年Jump》史上最有型男角 (イケメン)」票選，仲吸引到近3,000名網民參與投票。最終排名前十嘅角色亦來自多部不同時期嘅《少年Jump》作品，可以話係展現咗《少年Jump》過去55年嘅影響力！

由第十名倒數上黎，上榜嘅分別有來自《One Piece》嘅索隆、《龍珠》嘅杜拉格斯、《網球王子》嘅不二周助、《Bleach》嘅黑崎一護、以及《Slam Dunk》嘅流川楓，而第四、第五名則分別由《銀魂》嘅坂田銀時以及沖田總悟奪得。

《城市獵人》冴羽獠 (孟波)

《咒術迴戰》五条悟

《Naruto》宇智波佐助

而第三名就係北条司老師名作《城市獵人》嘅主角冴羽獠 (早期港譯孟波)，亞軍得主就係目前連載中嘅人氣作品《咒術迴戰》嘅五条悟，而來自《Naruto》嘅宇智波佐助就成功擊敗以上眾人，成為榜單上嘅冠軍。

有趣嘅係，明明《銀魂》就唔係賣靚仔，但就成為前十中唯一一部有兩個角色上榜嘅作品。另外頭十中除咗銀時、一護同冴羽獠之外，其餘所有人都唔係作品嘅第一男主角，睇黎「配角比較受歡迎」嘅說法確有準確之處。

資料來源：Ranking.goo