憑《英雄本色》、《喋血雙雄》、《辣手神探》打響名堂嘅香港名導吳宇森，早年曾獲邀到荷里活發展，拍出《Face / Off（奪面雙雄）》《Mission: Impossible II（職業特工隊2）》等賣座大片，不過自從2003年拍完Ben Affleck主演嘅《Paycheck（致命報酬）》後就回到亞洲拍華語片。如今事隔近20年，吳宇森再戰荷里活執導動作新片《Silent Night》，預計12月1日於美國上映，而首部預告亦喺今日正式公開。

《Silent Night》講述由Joel Kinnaman飾演嘅男主角於平安夜意外捲入一場黑幫槍戰，兒子不幸身亡，而自己就喉嚨中槍而失聲，於事決定進行密集式訓練，誓要喺下個平安夜為子報仇。從預告可見動作連場，無論係拳腳肉搏、械鬥槍戰，定還是街頭飛車，通通都有！不過就未見吳宇森電影嘅招牌白鴿。