唔知係咪我嘅錯覺，但我記得細個嗰陣好多女同學都會去學芭蕾舞，到近年香港學芭蕾嘅人似乎就越黎越少。但日本女仔似乎都仲流行學習芭蕾舞。好似韓團Les Serafim嘅日籍成員Kazuha就係芭蕾舞者出身、AV女優又有被人發現「副業」後被逼走嘅「藤かんな」，就連琴日介紹完嘅寫真女星「相沢菜々子」都係跳咗好多年芭蕾舞。而今晚要介紹嘅「高鶴桃羽」，就更加係芭蕾舞者及演員「二刀流」，更日仲連寫真都撈埋添！

現年20歲嘅「高鶴桃羽」於法國出身，兩歲時回到日本並於北海道居住長大，同時開始學習芭蕾舞，換言之到目前為止，佢已經有近18年嘅芭蕾舞資歷。期間佢多次去到比利時及瑞士進修芭蕾舞，15歲時更已獲得赴日尋找舞者嘅芭蕾舞經理人公司賞識，隨即退學專心練舞。2018年起更去到俄羅斯嘅芭蕾舞學院受訓，原定讀完4年就會直接加入舞團，點知遇到俄羅斯入侵烏克蘭，於是就提早返日。最後於2022年以Abema TV嘅戀愛綜藝《別被狼君所欺騙 (オオカミくんには騙されない)》於日本演藝界出道。

本月中時，佢更為《週刊Playboy》獻出首次水著寫真，燦爛可愛笑容加上多年芭蕾舞練返黎嘅緊繳身材，絕對係秀色可餐。訪問中佢亦提到打算演員、芭蕾、寫真三者兼顧，大家可以期待下佢日後嘅活躍啦！

IG：momoha2003523