{ SKIP }
文:MenClub 艾力克  
POSTED ON 20 Jun 2024

從未露面嘅日本新世代人氣歌手Ado,為宣傳第二張個人專輯《殘夢》即將問世,今日宣布將於今年10月首度舉行握手會,但由於握手形式相當特別,火速成為X熱門話題。

形象神秘嘅Ado自2020年出道至今從未露過面,就連上紅白歌唱大賽、現場演唱會都係企喺一個大黑籠內表演,配合燈光效果只露出剪影。為宣傳Ado第二張個人專輯《殘夢》將於7月10日正式發售,官方今日宣布舉辦抽選握手會活動,凡購買CD嘅歌迷都有機會同偶像握手,不過基於不露面原則,屆時Ado會企喺一個大型箱子入面,而Fans們就透過箱上嘅洞口伸手入內與Ado握手。由於形式相當獨特,消息公布後引嚟網民熱烈討論,有人更笑言好似喺動物園同水獺握手。

對於首次舉行握手會,Ado向傳媒表示:「終於實現到我一直想舉辦嘅『意大利真理之口』式握手會!我真係會喺箱入面,我會努力令大家相信我喺箱入面,請相信我並報名參加啦!」

真理之口

Rockstar對《GTA 6》信心爆棚,最近在一則招聘廣告中,宣稱呢款新作將會成為「史上最大規模遊戲發布」!目前正招募一位首席軟件工程師,確保遊戲在明年推出時一切順利,震撼全球數百萬玩家。 blockquote class= ...
hobby
【電玩】Rockstar招聘廣告自稱《GTA 6》將成為史上最大規模遊戲發布
16 Sep 2025
傳統漫畫可以分成兩大陣營,一係大家由細睇到大嘅日漫、一係以Marvel、DC為首嘅美漫,二者過去多年黎雖然偶有交集,但大致上都係壁壘分明各自發展。不過近來日本講談社旗下嘅《週刊Young Magazine》就有意進軍美國市 ...
hobby
【動漫】日本講談社《Young Magazine》推美國特別版 特別選材望吸引美國人追連載
16 Sep 2025