專出啲奇奇怪怪創意衣飾嘅「ekoD Works」上年暑假就出咗一系列「飛入乳溝」鍊墜，睇住班造型各異嘅公仔向住條乳溝飛入去，真係係男人都睇到笑騎騎。有見及此，「eKoD Works」除咗推出「胸中飛人」寫真集之外，就黎會喺黎緊11月頭推出以下六款新嘅「胸中飛人」鍊墜！真係好想揸上手玩下條溝…上面個鍊墜呀！　　

六款裏面有三款係動物，分別係飛鼠、鯨魚同埋樹獺。得意還得意，但相比起另外三款就算係好「平實」啦。

呢三款先係重點呀！而且隻隻諗落都有深度架！第一隻就係拎住望遠鏡向下望嘅男人！一條溝究竟要深到咩地步先要用望遠景睇？

第二隻係一個用肉色布隱身嘅忍者。文青覺得最適合啲「平板人士」使用－－因為如果真係喺條溝到佢就唔會隱到身架啦嘛！

至於最後一隻就直頭係反映出所有男性與生驅來嘅本能－－我要飲奶呀～～～～

呢一套六隻「胸中飛人」新款鍊墜每隻售價2160Yen(約140港元)。貴就唔貴呀，但都係嗰句，要搵個Carry到嘅女仔嗰下難呀嘛！