{ SKIP }
文:MenClub 魏文青  
POSTED ON 16 Aug 2019
一間屋最重要嘅傢私係咩?答案好明顯係張床,唔單止因為睡眠估咗你人生三份一時間(如果你咁好彩每晚都瞓到8個鐘),更重要係依家就算唔瞓,你都好可能會喺床上度過:玩電話、睇書、用電腦、睇Netflix,全部都係非常適合撻喺張床到做。問題係你張床究竟識唔識合你從事以上嘅活動?

咁你就需要呢張由HiInteriors出嘅HiBed。第一眼望落去最顯眼嘅當然佢充滿未來感、同相當蝦你樓底嘅床架,實際上佢其實係一張Smart Bed,床尾有個投影幕再加投影機,兩側有夜燈、床頂有閱讀燈,仲收埋咗張工作檯仔(你要拎黎做飯檯都可以),張床仲內置鬧鐘,換言之你除咗去廁所同食飯,成日留喺張床到都絕對冇問題,再換言之有咗呢張床,你間屋就唔需要分客廳飯廳書房睡房,仲唔係「窩床」!

至於售價,暫時係未公佈嘅,不過就睇同廠出、基本上係高級版HiBed嘅HiCan起步價要36000歐元,呢張HiBed都唔平得去邊啦!
如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
近年各大廠商紛紛投入研發AR智能眼鏡,就連Amazon都打算分一杯羹!最近有消息指Amazon正在積極開發兩款全新AR眼鏡,計劃2026年底或2027年初推出。
tech
【挑戰Meta?】傳Amazon正在開發兩款AR眼鏡 最快2026年底上市
11 Sep 2025