{ SKIP }
文:MenClub 艾力克  
POSTED ON 17 Nov 2021

今年9月底亞洲盃女子足球外圍賽,伊朗與約旦於G組踢成0:0,最後互射12碼環節伊朗以4:2擊敗對手成功晉身2022年決賽周。日前約旦足總就喺Twitter公開質疑伊朗女門將Zohreh Koudaei疑似男扮女裝,要求亞洲足協成立醫學專家小組,調查伊朗女子足球隊性別及有否使用興奮劑。

(圖片截自:Twitter)

綜合外媒報導,今年9月25日舉行嘅外圍賽,32歲伊朗女足門將Zohreh Koudaei喺互射12碼階段成功攔截約旦2球成為贏球功臣,為隊伍奪得2022年女子亞洲盃決賽周入場券。然而,約旦足總主席親王阿里(Ali Bin Al Hussein)日前就喺Twitter貼出一封投訴信,顯示約旦輸波當日已立即要求亞洲足協(AFC)對Zohreh Koudaei作出「性別檢查」,但遭到AFC拒絕,所以今次就搬晒相關競賽條例出嚟,並指出伊朗女足曾經有使用禁藥以及派出男性球員前科,要求AFC成立獨立醫學專家小組進行調查。

對於約旦嘅指控,伊朗就認為約旦只係為輸波搵藉口,其中伊朗女足教練Maryam Irandoost就表示,醫務人員喺賽前已經對每位國家代表仔細檢查過,絕對唔會有假冒性別嘅情況。而當事人Zohreh Koudaei就發聲明強調自己100%係女人,認為約旦嘅指控係羞辱及霸凌,表示會起訴對方。

據了解,AFC已就相關事件作出調查,所以暫時唔作評論。

資料來源:givemesportmarca
又有全新打卡球場啦!!
sports
【NBA x 軒尼詩】青衣籃球場大翻新,又成全新籃球打卡熱點!
23 May 2022
「做運動對健康有益」呢個常識大家都知,甚至有人認為越做得多運動、身體就會越好。但日本《讀賣新聞》報導,其實每日做10分鐘左右肌肉訓練就已經能夠顯著減低健康風險,而且做得多仲有反效果! 據日本《 ...
sports
【研究】日研究指每週肌肉訓練超過140分鐘 死亡風險反而增加
03 May 2022