電影入面嘅James Bond身手敏捷機智有型，舉止優雅又衣著得體，無論面對幾強大嘅敵人都能夠沉著應對化解危機，吸引無數正反派美女投懷送抱，成為唔男士心目中嘅典範。雖然大家都知道James Bond溝女勁，幾乎每集都會同一位或以上嘅「邦女郎」深入交流，但具體究竟有幾勁呢？就真係有人認真研究過...

荷蘭烏德勒支大學Richard Zegers博士對過往24部（唔包括《No Time to Die》）007電影作出研究，發現James Bond曾經同58名女士發生過關係，而且平均見面2.3次即可得手，其中James Bond有興趣嘅女士入面，有27.8%第一次見面就會直奔終點，愈早期嘅007電影就愈誇張，從搭訕到上床都唔使10句對白，直到近期嘅幾部先有所改變，平均要37句說話先得手。另外有趣嘅一點係，有28%同James Bond上過床嘅女士都會喺電影入面死亡。

或者你會好奇點解有人會研究呢啲嘢，其實Richard Zegers博士係出於探討安全性行為，而借用007電影做例子咁解。佢就指出電影並冇提及James Bond有冇做足「安全措施」，而且如果James Bond真有其人嘅話，咁佢成世人嘅性伴侶數目至少係一般英國男性嘅5倍，並希望未來嘅007電影可以宣傳一下安全性行為。