{ SKIP }
文:MenClub Mean娜  圖:MenClub
POSTED ON 29 Jan 2016

近年復古髮型當道,人人都要All Back盡展型味,唔少男士入到Salon,都點名要剪個碧咸頭、柏豪頭、阿Top頭等等,唔再留陰扮後生,決定露出額頭將頭髮梳向後,邊邊位再剷到乾乾淨淨,行型格路線同紳士路線都完全冇問題!


要配合懷舊味道,恤個髮都要去個感覺更Pro嘅地方。唔係話一般Salon唔專業,之但係Salon設計嘅髮型可能都太「新」唔夠「舊」,正如你想剪個勁Old School嘅老西頭,都會覺得香港啲古老上海理髮店會熟手過一般Salon啦,而Barber Shop,其實咪就係西式嘅上海理髮店囉。


作為一個型男,想整個Vintage嘅髮型,有得揀,你都會揀去西式上海理髮店嘅Barber Shop啦,聽落都勁啲,老土得嚟又有品味嘛!不過Salon香港就大把,一時三刻唔知去邊先搵到Barber Shop?咁唔知銅鑼灣希雲街嘅「Edwin Watch Store」你又點睇呢?


銅鑼灣希雲街一帶一向出名多潮店,Edwin Watch Store」裝潢獨特有品味,潮人實鍾意!



Edwin Watch Store」參考加拿大「Crows Nest Barber shop」嘅設計,以50年代經典Barber Shop為主題,除咗用傳統髮剪、剃刀同髮乳等工具整頭髮,仲會提供剃鬚服務。為咗增添Barber Shop嘅懷舊感,店主仲特登由加拿大搬咗張復古嘅半臥式理髮凳,認真有誠意。





雖然Edwin Watch Store」想盡量模仿返傳統外國Barber Shop,不設洗手盤畀人洗頭髮,但由於香港天氣太潮濕,頭髮一下子就又油又塌,所以Edwin Watch Store」唯有整返個洗手盤,方便客人幫頭髮沖沖水,又即刻乾爽返。




可能你會好奇,好地地一間Barber Shop做咩要叫「Edwin Watch Store」,十足鐘錶鋪嘅名咁誤導人呢?睇睇店內掛住大大小小嘅相,除咗有理髮之外,仲有好多關於錶同牛仔褲嘅內容。





其實「Edwin Watch」本來係一個手錶品牌,不過為咗有一番新突破,佢哋喺14年時嘅香港鐘錶展覽及15年三月嘅巴塞爾國際鐘錶展上,大膽提出要將手錶店同理髮店合二為一嘅全新概念店,於是專誠邀請加拿大Barber Shop名店「Crows Nest Barber Shop」一齊合作,所以喺「Edwin Watch Store」裡面,你唔單只可以剪頭髮,仲可以買埋手錶都仲得。





不過,其實「Edwin Watch」嘅由來同「Edwin」呢個日本牛仔品牌有莫大關係。「Edwin」牛仔褲早幾年喺亞洲甚有地位,佢咃嘅牛仔褲無論對剪裁、設計、物料均一絲不苟,憑住呢份堅持執著,令「Edwin」品牌打入歐洲以及美洲市場,以「West meets East」策略成功將EDWIN變成國際知名品牌。而「EDWIN Watch」就係將「Edwin」品牌嘅精髓同創意,延伸到腕錶上。咁大意義,店內當然會Show埋「Edwin」牛仔褲出嚟,畀人又揀又試啦。



介紹咗咁耐,係時候同大家入返正題,講返Barber Shop同埋Set頭實戰。不如先同大家講解一下,Barber Shop同一般Salon有咩分別先啦!有請「Edwin Watch Store」嘅ABC Barber Peter!


Barber shop同Salon有咩分別?

Peter就話,Barber Shop可以話係一個男士理髮店嘅俱樂部,主要剪男士髮型(如果有女士剪都歡迎,不過都係剪返男人頭),同埋會處理埋Facial Hair;而Salon就兼顧埋Chemical嘅嘢,例如電頭髮、染頭髮等等,所以如果閣下想又染又電,記住唔好入錯鋪喇。

不過聽「Edwin Watch Store」嘅Barbers講,原來好多人都誤會Barber Shop只會剪復古油頭,所以唔好老西頭嘅人就會向Barber Shop耍手擰頭。但Barbers澄清返,其實Barber Shop同Salon一樣,所有男士髮型都會剪,長頭髮想修一修又得,想剪個韓仔頭又得,得咗!喺剪頭髮方面,基本上同Salon冇太大分別,一樣會用鉸剪,只不過Barber Shop嘅剷種類較齊全,想剷咩長度嘅頭髮都易Handle,加上復古味濃,所以畀人一種淨係For紳士頭嘅錯覺。


咁大家口中所講嘅Classic Vintage Hairstyle其實係點樣呢?

Peter就話,Classic Vintage  Hairstyle多數係Pompadour or Comb Over。Pompadour就係前面會梳到好高同埋Sick Back,而Comb Over就依據你分開邊一Part,再幫你將側邊嘅頭髮剷到好短,最後將啲頭髮Comb晒去一邊。

2016會興邊款Vintage Hairstyle?

Peter認為2016年會同2015年興嘅髮型差唔多,不過最近多咗美國明星剷晒啲頭髮,所以佢自己今年都開始剷晒啲頭髮,唔知香港人接唔接受到。


講解完畢,當然就到實戰時刻,我哋有請另一位Barber 阿Ball!


今次阿Ball就落場幫我哋嘅男Model Michael處理一下佢又曲又鬆嘅頭髮,將佢變成油頭Gentlemen。


斯文Style︰


Wild Style︰


Casual Style︰


說好的實戰部分就係咁??當然唔係啦!寫晒出嚟你仲點會睇Video呀,想知阿Ball點剪頭同點Set頭,就Click入下面條片啦~最後仲會有Mean娜一邊搵頭髮遮住包面,一邊訪問Michael感想嘅搞笑片段,唔好Miss左呀!


一個名人穿著某啲衣物,有時真係會引起熱潮。例如早前一名老年男歌手嘅「K」字愛鞋,就因為傳說有壯陽效用 (誤) 而被搶購一空;而北韓近年亦因為領導人金正恩愛穿長皮褸而掀起熱潮,但好明顯金正恩就唔鐘意人哋抄佢 ...
style
【北韓】金正恩穿皮大褸引熱潮 當局禁民眾模仿:「唔尊重!」
29 Nov 2021
時尚界嘅合作往往都令人意想不到,繼今年6月BALENCIAGA x SONY Playstation聯乘後,最近就有傳正值品牌100周年之際嘅GUCCI,似乎即將同另一個遊戲機品牌XBOX聯乘...唔知幾時到任天堂呢? 日前XBOX官方Tw ...
style
【時尚】傳GUCCI將與XBOX跨界合作推出聯乘產品
08 Nov 2021