{ SKIP }
文:MenClub Mean娜  圖:互聯網
POSTED ON 29 Jan 2016

型佬碧咸一向都係潮流指標,剪乜頭著乜衫都實有人跟風,不過估唔到今次全城人人都咁明張目膽跟到足,連狗仔都要抄碧咸Look!!!


講緊嘅係「萬人迷」碧咸同H&M合作嘅新廣告,今次廣告內容相當特別,唔著重介紹碧咸著嘅衫,反而要眾人用行動去證明,碧咸著嘅衫就係有品味,想追上潮流就要跟足碧咸咁著!


廣告一開頭就見碧咸著住件白色衫登場,點知行到邊,都見到個個同佢著同一件衫,連隻狗都係!






之後碧咸再換件黑色外套,一轉頭,全世界都跟住換,個個都係白色底衫加黑色外套!




咁都唔止!當碧咸當眾著上外套,個個都即刻做同一動作,即時跟實碧咸衣著,幾時除外套幾時著外套都唔放過,一個二個即刻著返件褸先!


去到最尾,終於見到咸爺沐浴更衣嘅香豔畫面,唔著衫,啲人冇得跟喇掛?


車!咪全城都唔好著囉!


一齊去片啦~


對於一眾青年黎講 (香港標準四十幾歲都係青年嘛),藤原浩與木村拓哉可以話係日本潮流嘅兩大巨頭,而二人就即將於2022年再次合作,推出聯名週邊。 卻說木村拓哉即將於1月19日推出第二張個人專輯《Next De ...
style
【聯乘】藤原浩 x 木村拓哉 推fragment design聯名週邊
10 Jan 2022
聖誕將至,相信唔少男士都希望執返好個樣、恤返個靚髮,如果你做咗爸爸,或者甚至會想同阿仔黎個「父子頭」。而由組合「廿四味」成員Brian創辦嘅Handsome Factory Barbershop 就會於尖沙咀商場開期間限定Pop-Up,為 ...
style
【髮型】Handsome Factory Barbershop尖沙咀開Pop-Up 父子同行老豆半價
22 Dec 2021