日本著名AV男優「清水健（しみけん）」於十月底時公開自己已正式「封鳥」唔做AV男優。而當時佢指出引退嘅原因之一，就係因為對AV拍攝已經感到厭倦。而近日佢接受日本職場向YouTube頻道「キャリアJUMP【第二新卒 転職】」訪問時，就更詳細地談到令佢厭倦嘅原因：工作太死板、對手冇感情。

據台灣AV達人「一劍浣春秋（劍大）」嘅整理，清水健嘅回答其實只有兩個重點。第一，就係因為AV新法實施之後，拍片嘅環境由已往充滿不確定性，變成依家嘅一板一眼，令佢失去拍攝嘅樂趣。第二，就係清水健認為縱使近年嘅AV女優外型越黎越靚，但大多都只係為咗名利而入行，換言之拍攝對佢哋黎講只係工作，冇投入真正嘅嘅感情，令佢感受唔到「情色」嘅味道。

關於第一點，資歷比較深嘅AV迷或者會記得清水健係出咗名鍾意脫稿演出，例如早年佢就因為「擅自玩弄」著名女優吉沢明步嘅「第三隻眼」，搞到自己長年被對方封殺，直到女方引退後先於YouTube節目上（表面地）和解。但問題係，AV新法實施後，為咗保障拍攝各單位，所有拍攝內容均要事前寫明於拍攝合約之中，換言之脫稿演出係違約犯法。所以即使清水健係講緊事實，呢個問題似乎比較佢個人嘅習慣及偏好。

至於第二點，「劍大」就認為大家可能會有共嗚。畢竟明日花キララ、三上悠亞等前輩為依家嘅女優提供範例，只要個人形象經營得好，唔單止可以成為網紅，甚至可以出國搵真銀。再唔係借AV賺取人氣去轉去風俗界、做陪酒孃亦係出路之一。反正就係目前唔少人都只將AV界當成踏腳石，自然就唔會投入太多時間或感情。

「劍大」最後總結，就係AV界已經今時唔同往日。唔知大家又對清水健提出嘅呢兩點有咩諗法呢？

資料來源：AVNO1