睇愛情電影嘅時候，經常會見到一個情節︰美麗嘅女主角衣衫單薄，喺寒風中抖颤，於是帥氣嘅男主角就好有紳士風度地，為女生脫下自己嘅外套，輕輕為佢披上……噢！呢啲咪就係靚仔靚女可歌可泣嘅愛情故事囉！不過～做個紳士絕對唔係靚仔嘅專利，其實好多小毒毒都好Gentlemen，只係冇機會畀佢哋表演啫！學阿源話齋︰「這些機會不是屬於我的……」但係希望在明天丫嘛！上天唔畀機會你，咪自己創造一個為美少女披上外套嘅機會囉！唔係好貴架咋！1998円咋嘛！

日本online store「VILLAGE VANGUARD」就喺今個冬天推出咗「怕冷女孩(寒そうな女子ハンガー)」衣架，等你可以為人又凍心又凍嘅美少女(衣架)披上衣服，帶溫暖畀佢。嗚哇！諗下都毒呀媽！！！