學「柴九」話齋，「人生有幾多個十年？」十年時間，好多嘢都可以有覆天覆地嘅改變，甚至只係講我哋，十年前你哋開始睇我寫女嗰陣可能都仲係單身寡佬，十年後嘅今日個仔可能都讀緊小學啦！咁你話十年黎仲有冇嘢係冇變嘅？有，第一就係我仲喺到寫緊女，第二嘅就係日本合法蘿莉「長澤茉里奈」，繼續都係咁蘿莉！

「長澤茉里奈」於2013年時加入女子偶像團體「放學後公主」而出道，當時嘅佢雖然已經有17、8歲，但就因為個樣極度童顏，所以當時就已經有「合法蘿莉」嘅稱號。隨後佢於2016年參加日本著名水著選美比賽「Miss iD」並贏得冠軍，同時展示出佢童顏之下嘅驕人身材，於是「合法蘿莉」從此就變成「合法巨乳蘿莉」，同年佢宣佈退出「放學後公主」專心水著寫真活動。

數數手指，今年已經係「長澤茉里奈」出道10年，但27歲嘅佢無論身材外貌都冇走樣，「合法蘿莉」之名用喺佢身上繼續係天衣無縫。而為咗紀念出道十週年，佢亦會於今日 (9月22日) 推出時隔3年嘅寫真DVD，等大家睇清楚已經慢慢歲入輕熟女階段嘅自己。順帶一提，下個月8日佢就會迎來28歲生日，但睇佢依家呢個狀態，就算到咗三字頭都應該繼續係「合法蘿莉」呀！

IG：marinanagasawa1008