{ SKIP }
文:MenClub Mean娜  圖:MenClub
POSTED ON 30 Jun 2016
以前食Buffet可能著重於任食到飽嘅滿足感,唔理三七二十一,總之勁多選擇食到嘔就夠。但今時今日,隨著生活品味提升,食Buffet已經貴精不貴多~唔使成枱都係食物,你畀好嘢我食就得。咁當然~又「精」又「多」好似銅鑼灣維景酒店嘅Cafe du Parc咁就最好啦!



好多人食Buffet都會揀鬧市旺區嘅酒店Buffet,咁就腳,係人都狗衝過去啦,Cafe du Parc就勝在旺中帶靜,佢位於天后大坑一帶,交通方便之餘附近又唔會太多遊人,環境相當清幽,啱晒慢慢食Buffet Dinner唔使怕下下同人搶。


有睇文章Title嘅你,相信除咗被「和牛鵝肝麵包蟹」所吸引之外,應該都好想知「酒水任飲」係咩一回事。其實Cafe du Parc實行緊「Dine & Wine」嘅自助餐模式,只要食Buffet($428)時加多$88,就可以任飲場內嘅三紅三白六款葡萄酒~啱晒啲酒鬼!




至於食物方面,Cafe du Parc嘅海鮮區真係冇得輸!除咗有青口、翡翠螺、長腳蟹、虎蝦同最近新增嘅剝殼龍蝦之外,仲有大大隻麵包蟹!的確少見!



一打開麵包蟹,就見到佢爆晒膏,如何抵抗得了呢!


另外佢嘅BBQ區都極度推介!因為佢嘅即席燒M5和牛、羊架、大蝦、生蠔同鵝肝都唔係周圍都有,仲要唔需要企定定排隊等到天荒地老,只要將你用餐枱上嘅牌仔遞畀廚師,佢就會燒完自動拎去你張枱,Nice到一個點呀!




Mean娜之前做Live試食Cafe du Parc嘅Buffet時,唔少人問究竟M5和牛同A5和牛有咩分別。經再三求證,原來M5係澳洲和牛嘅等級,雖然以和牛品質而言,都係A5威啲,但澳洲和牛就勝在牛味較重,咬落有口感,如果你唔習慣日本和牛入口即溶嘅感覺,M5和牛就啱啱好。


有啲人食Buffet唔鍾意一黎就去到咁盡,喜歡由前菜開始慢慢品嘗,如果你都習慣由食Ham同芝士打開你個胃,咁一定要試下呢度嘅黑毛豬火腿!由於成本關係,好多Buffet都只會用白毛豬,而且Cafe du Parc Nice在有埋溫馨提示,教你點食黑毛豬火腿最正,跟手仲用你講埋配咩酒飲。



芝士方面都非常多選擇,有法國Edam Cheese、Herbs Cheese、Port Salut Cheese 、Walnut Cheese 、Le Camembert Cheese同埋瑞士Emmental Cheese,配埋砵酒味道一流!


介紹埋啲有趣菜式畀大家,當日Mean娜做Live唔少人都留意到有隻乳豬喺度,其實呢度都供應葡式烤乳豬,不同於港式乳豬,佢係用西式調味料去醃製,例如橄欖油、葡萄酒、百里香等等,可謂別有一番風味。



Cafe du Parc嘅甜品都非常豐富,有齊四款不同口味嘅Chess Cake,以及各式各樣嘅小甜品,例如忌廉泡芙、鮮果班戟、木槺布甸、迷你鮮果撻等等,加埋懷舊區嘅糖果,真係由頭到尾都咁Perfect池!走之前記住拎返粒咸濕陳皮梅消滯喇!





繽紛維苑餐廳 Cafe du Parc
地址:天后銅鑼灣道148號香港銅鑼灣維景酒店2樓
電話:2600 1188


想在外面準確而有型地叫酒始終需要一定經驗和認知,但若果沒有太多時間去由零開始,不妨利用幾個小竅門。
gourmet
五花馬 - 新手上路 餐廳 Wine By Glass 攻略
14 Oct 2019
畀啲新選擇自己
gourmet
中菜新選擇 樂活煮意私房菜
10 Oct 2019