{ SKIP }
文:MenClub Patrick  圖:互聯網
POSTED ON 10 Oct 2014
以前講起PlayStation的賽車game,好似來來去去都係得《Gran Turismo》系列,不及Xbox陣營多選擇,不過剛剛正式推出的PS4獨佔車game《DRIVECLUB》,竟被PlayStation視為護航作之一,相信總會有一定實力。今次筆者就請來熱愛賽車game、玩近兩代《GT》玩足4年都唔厭的PS玩家Edmond,試一試《DRIVECLUB》的表現如何?



先讓筆者交代一下《DRIVECLUB》的背景,它是由Evolution Studios開發,之前推出過越野飛車的《MotorStorm》系列,對製作賽車game有一定經驗。今次這隻《DRIVECLUB》,宣傳是標榜真實性,由車身到賽道風景都有高像真度,而且相當注重細節。

車箱畫足detail位
就這一點,經初步試玩的Edmond也頗為認同,因為它主要都是拿《GT》系列來跟 《DRIVECLUB》作比較。「轉到車箱入面嘅視角會最易察覺呢點,《GT》除咗幾架主要嘅車有刻意仔細咁畫車箱入面啲detail位外,其他車就畫得比較簡單。《DRIVECLUB》啲車箱唔止一睇就睇得出係細緻啲,仲連倒後鏡嘅影像都畫埋,後面有咩車嚟,真係會睇得到。」





車身會現戰損
另外,《DRIVECLUB》更明顯在畫面上下過工夫的,是車身經過踫撞後,立即就會出現不同程度的花痕與損傷,甚至連擋風玻璃也會碎裂。Edmond對此似乎相當認同,「《GT》冇呢啲畫面,啲車咁爛法,真實感真係強啲。聽過有人話啲車爛得好假,我就覺得已經算唔錯。」至於在旁看着Edmond飛車的筆者,就覺得如果花痕與裂紋能弄得「循序漸進」出現,以及再加強點音效,相信效果會更真實。




背景像真兼變天
至於背景畫面方面,Edmond猜想《DRIVECLUB》的開發團隊應該參照了大量實景相片,所以覺得賽道風景的像真度頗高,而且背景即使在高速移動中,仍看得出不少細節位。「同埋《GT》因為係跑賽車場賽道,啲背景簡單啲,但係《DRIVECLUB》啲背景又多樹又多山,相比之下明顯會見到畫面detail多啲。」而且《DRIVECLUB》還提供自設天氣功能,就算走同一條賽道,背景也能出現不同的效果,Edmond亦幾喜歡這種變化。




只有歐洲車
補充一點,目前《DRIVECLUB》可讓玩家選擇加拿大、智利、印度、挪威與蘇格蘭5個國家超過50條賽道;可選車款則有55款,全部是真實車款,但清一色是歐洲牌子,對「揸慣」日本車的Edmond而言,這點令他有點不慣。




比《GT》易玩
除了畫面的真實性,《DRIVECLUB》也標榜操控的真實性,但是Edmond並不同意。「我覺得《GT》真實啲,無論入彎、過車都比較講求技術,有啲彎唔踩brake真係會炒硬!《DRIVECLUB》反而易玩啲,有啲唔太深嘅彎,轉少少個掣就入到,brake亦可以唔使點踩,就算唔係玩開賽車game,都可以玩得幾叻。」由於入彎不用太出力轉類比桿,所以Edmond覺得用手掣玩已幾就手,不過用軚盤玩又會增加投入感。無論如何,對
Edmond而言,多隻新賽車game玩,總好過可能要無了期的等《GT7》。



Edmond



谷爆連線server
其實《DRIVECLUB》還有一大賣點,就是上網連線時,最多可與另外5名玩家組隊,與另一隊6架車作賽,形成12架車的大規模團體賽,比《GT》系列連線都只能一對一作賽過癮得多;玩家更能為自己隊的戰車自設拉花,以作識認。但是《DRIVECLUB》的連線server,在出game日已因太多玩家同時登入而搞到down咗,所以現時只能玩到單機賽(最多同時與11架電腦車比賽),以及自己一個人玩的計分甩尾賽。



DRIVECLUB》專用Compact Racing Wheel軚盤架,扣上DUALSHOCK 4,便能以體感操控。$128


DRIVECLUB
光碟版:$398
下載版:$358






比起很多年輕品牌,具悠久歷史的品牌經歷過無數風浪,高低起跌,沉澱過後,更令品牌的根基更茁壯。貴為美國西裝的殿堂,在經歷200周年後的Brooks Brothers在越來越急速的時裝風氣下,竟然率先帶大家「慢起來」,並在 ...
style
【美國正統MTM西裝!】香港Brooks Brothers的「Made-to-Measure」度身訂造西裝 ...
20 Nov 2019
有錢就係可以任性嘥錢買呢啲野...
hobby
【全球唯一】Caviar黃金版Apple AirPods Pro
20 Nov 2019
出街開波啦!
hobby
【2020登場】《足球小將》AR新手機Game《TSUBASA +》
20 Nov 2019