本地漫畫家林祥焜﹙Elphonso Lam）一向以畫性感少女聞名，繼上次西九龍中心外牆畫作之後，再創作出充滿「本土情懷」作品。

最近一個舉辦本地墟市嘅組織「奔墟We Connect Mall」，邀請咗Elphonso幫手創作宣傳畫，佢就畫咗兩幅少女漫畫，融合香港歷史建築同大部份男士經典「初戀」對象。

圖片截至：[email protected] LAM 林祥焜

第一副係水手服短裙少女配上老字號茶樓「龍門大酒樓」，雖則Elphonso無講明靈感來源，但眼利嘅觀眾應該第一時間就聯想到新法書院校服。新法書院校服同龍門大酒樓一樣，隨時代推移步向消逝，而今次Elphonso透過漫畫將兩者再現，又有無勾起各位唔少記憶？可能係第一次同屋企人飲茶，又可能係第一個鐘意嘅女仔。

圖片截至：[email protected] LAM 林祥焜

第二副就一位PE衫少女除咗口罩坐喺皇都戲院門前抹汗休息。同樣地，皇都戲院係唔少港人集體回億，亦見證住香港電影最輝煌嘅時代。好彩嘅係皇都戲院將會重新修葺活化，能夠避過清拆命運。

Elphonso仲喺Facebook話「敬請期待巨大實物現身銅鑼灣！」。就咁喺個「MON」面前已經睇到「嘩嘩」聲，如果到見到大大幅實物，一定仲震撼。

來源：[email protected] LAM 林祥焜