PlayStation、Nike及NBA球星Paul George個人品牌曾經於2018年先後推出PG2及PG2.5聯乘鞋款，唔覺唔覺幾年又過去，PG出到PG5，PlayStation又出到PS5，連個名都咁似就當然要再出多對啦！所以就有呢對「PG 5 PlayStation 5 Colorway」啦！

新鞋款當然係以PG5為藍本，配色方面就參考PS5嘅「黑白藍」機身，鞋舌上亦如以往聯乘作一樣分別有PG 及 PlayStation 標誌，特別要留意鞋身側邊白色部份係參照PS5機身及手掣上嘅設計，同樣有「圓圈正方三角交叉」暗紋。另外亦附有是次聯乘嘅特別吊牌。

另外據外媒報導，呢次聯乘係仲有一款鞋身為藍色嘅版本，預計同樣5月14日開售。PS5買唔到，買住對聯乘PS5嘅PG5先囉！