{ SKIP }
文:MenClub Mean娜  圖:互聯網
POSTED ON 20 Jan 2016

日常生活中處處都有伏,例如畀靜電電親,畀紙界損手指等等,雖然全部都好小事,但都係啲會令人不禁嗌聲︰「哎呀!」嘅伏。韓國就有個短篇漫畫,畫出日常生活會遇到嘅小災難,當中你又覺得邊樣最令人感到不爽先?:d (btw Mean娜覺得個漫畫男角好似一拳超人)


衣服標籤撩吓撩吓
有時啲衫嘅標籤車得唔好,就會係咁撩住啲皮膚搞到好痕成日R,結果可能R到成個頸位損晒,要等到有鉸剪剪走個標籤先得到解放!但中間忍耐嘅過程真係好難頂!




著咗質地唔好嘅衫
呢樣嘢冬天最易發生!有時見到啲冷衫好似好靚,冇留意質地就一時衝動買咗佢,著上身先發覺件衫質地拮到hi hi,每一個動作都磨住你嘅皮膚,成身都痕到一個點,恨不得即時除衫!所以買冷衫嘅時候一定要注意質地好唔好,如果touch wood買到質地唔好嘅衫,就記得要打底。



腳趾撞到硬物
其實Mean娜睇唔出點解呢個圖係代表硬物……不過佢咁講我咁寫啦。相信日常生活中小痛楚第一位一定有佢份,就係腳趾撞到硬物!!明明唔係啲咩好大嘅傷害,又唔係流血又唔係骨折,但所謂十指(趾)痛歸心,腳趾一有碰撞嗰下痛,真係會入心入肺!



踩中lego
lego又係相當有殺傷力!仲記得細個玩lego放到周地都係,一個唔覺意赤腳踩到嗰下……凹凹凸凸嘅表面再加埋無情力踩落去,諗返起腳板底都有啲痛。



棉被被瞬間拎走
呢件事冬天發生真係會崩潰到癲!話說人生最幸福嘅事,莫過於喺暖笠笠嘅被竇內瞓覺,如果呢個時候有人一秒搶走你張被,真係有種天堂跌落地獄嘅感覺!


電話、ipad打中面
人生不如意事十常八九,其中一樣又痛又柒嘅不如意事,就係瞓喺度玩電話睇ipad嘅時候,唔小心成部撻落自己塊面……




飲到加入奇怪嘢嘅飲品
成日見到人話飲嘢飲到底見到昆蟲,真係好得人驚!所以Mean娜慣性會撩下杯嘢飲,睇下底下會唔會藏有異物……



被拉鏈夾到
有冇睇Mean娜之前post嘅gif圖?就係拉拉鏈夾斷丁丁嗰個XDDDD話說畀拉鏈夾到真係會又煩又痛!就算唔係夾到丁丁,淨係夾到毛髮都已經夠痛!




記得細個讀書時,數學老師用咗成堂時間黎介紹平均數 (mean)、眾數 (mode) 及中位數 (Median)嘅差別,當時我心諗「咪又係表達緊個中間值,使咩分到咁清呀?」但日前一名研究日本文化嘅Twitter用家,就完美地展現咗錯 ...
gags
【趣聞】統計的應用 「日本人平均只有0.97粒睪丸」成Twitter熱話
22 Apr 2022
據外媒《Fox News》報導,位置美國猶他州嘅西敏大學(Westminster College)將於2022-2023學年開設一門名為「Porn」嘅選修課,旨在透過色情電影探討種族、階級及性別議題,同學完成課程後即可獲得2學分。 圖 ...
gags
【學術研究】美國大學開設「Porn」課程 透過色情片探討種族、階級及性別議題
22 Apr 2022